每次登入Facebook 都會看到一大堆無聊到不知所謂的訊息
前陣子是玩Tag相或Tag圖, 再之前是玩各類型的game, 再之前應該是在別人的wall上留些無聊的言或者用一個叫poke或者super poke的app來"互毆"
而最近我186個的"friends*", 看來比較喜歡玩各種"心理測驗"
截稿前最新一個update是:

Stephen Lau Chong Wai

如果你選擇的是「瘦子加長青春痘」代表你是屬於會栽在「可愛純真善良型」的男孩子手裡的人，你最喜歡的對象適要真心、善良、純真，又會寵你、疼你的好男人。

唔... 好的, 我知道了, 看來我對Stephen應該有無比的吸引力, 生暗瘡的時候該去找找他

拜託, 各位都是大學生, 不要玩這種太過無意義的遊戲好嗎?

---

*與其說那186個都是friends,不如說是acquaintances比較貼切

前晚心郁郁自己一個走落去打波
點知就行衰運,跳起落地踩正落人地隻腳
嗌完Foul(睇下我幾狗,個人仲係空中就已經大腦反射,第一時間嗌定Foul先)
一落地就即刻慘叫,拗柴,超痛,痛到根本郁唔到

前世都未聽過咩係守望相助既香港人
訓左係地下成幾分鐘,先可以勉強起身
球場數埋都有十幾人,但係個個都係睇住我辛苦,無人話幫手扶一扶我走(喂,我點睇都大過佢地,當係敬老又好咩都好,都好應該幫下我掛)
有個人仲串串貢問我係咪無做熱身...打過波既都知,踩中人隻腳,唔好話熱身,我話知你曉飛,你隻腳都係咁先
咁好囉,你咁鍾意串個殘廢既,你贏囉
坐低休息左一陣,隻腳已經腫晒,比之前更加辛苦,超勉強地自己行落樓梯返屋企
落左條樓梯,竟然又要上幾級樓梯... (咩設計黎架...)
我就即刻打電話俾住係附近既阿榮落黎救命(好彩識人住係附近,唔係真係等上天打救, 唔該晒你呀阿榮)
有人扶住真係唔同D,好快就返左屋企,沖完涼就即刻出去睇急症

豬流感肆虐下醫院更為清靜?
去到荃灣仁濟醫院,唔好話行,根本企都企唔到,唯有單腳跳入去...
個阿姐離遠見到我就同我講俾架輪椅我,(終於遇到好心既陌生人...)
登記完個阿姐就已經推我去診症室外面量血壓等睇症
好奇怪,我記得我幾年前又係拗柴,又係夜晚,又係黎仁濟醫院,等左兩個鐘先有得睇
前晚竟然得幾個人等睇急症,而且我都只係拗柴o者,未至於好大件事,話咁快到我?
我諗一定係豬流感,所以D人無咩事都唔去醫院,可見平時幾多人濫用急症
D醫生少左野做,唔知係唔係開心左?
(不過都唔一定,尋晚我見到有個女仔仆親兩個膝頭都要睇急症...仲話要拿醫生紙唔返學...)
話口未完就已經到我睇,個醫生問左兩句就叫我去照X光
照完就等左一陣,期間有個同我一樣扭親要坐輪椅既人竟然俾人叫去留院觀察,聽到我一額汗,雖然今次拗柴係特別痛,但我諗我無咁大鑊掛...
返返去個醫生度就話D骨無野,係整傷D肌肉同筋 (唔知點解,覺得好唔specific...)
但係又叫我尋日返去物理治療部借拐杖同埋返去要浸冰水

唔怪得明愛會死人
訓左一晚,尋日返去借拐杖
仍然係單腳跳入去,跳得咁辛苦,諗住係急症室借架輪椅黎坐上去物理治療部啦,點知個阿姐問我係唔係睇急症,唔係睇急症唔借得
我話急症我尋晚睇完,而家去物理治療,但係你都見我行唔到架 佢就話咁你上一樓物理治療部佢會有輪椅借俾你架喇
哦...咁既然我都跳到上一樓咁叻,兼去到目的地,咁仲借架輪椅黎做咩?
D咁無腦兼不近人情既做法,真係唔怪得明愛之前會死人啦
好啦,咁我就搭lift上去啦
咁岩見有架lift係度,有個醫院阿姐衝左入去,我行得慢,我阿媽就走埋去叫佢等埋啦
點知佢明明兜口兜面見到我阿媽係出面,都可以照關門,我都唔知佢係扮聽唔到定係明明聽到都唔理
喂,大佬你做醫院唔係做殯儀館呀,D人未死兼個個唔係等住救命就係有咩唔方便架
咁樣都唔等,真係睇下幾時因為有人搭唔到lift所以有咩意外而死左或者病情惡化

終於係物理治療部借左對crutches返黎,咁大個仔都係第一次用...
浸冰水,嘩真係痛到標眼水,但係又真係好犀利,浸完幾次尋晚已經勉強行得到
希望好快無事啦

前幾天回了中大，在電腦室隨手拿了本大學線翻看。封面故事「金融海嘯求職難　大學生放下身段」探討跟小弟有切身關係的找工作的問題，副標題「招聘廣告名不副實　見工被罵白痴」如此悲壯，怎能不看？

「該負責人面試時問：假如給你選擇一樣工作，例如律師、醫生等，你想做哪一樣工作？他選擇了其中一項，並補充說這些工作都需要通過專業考試，應該不會請他。負責人就說他挑戰他提出的問題，回答『九唔搭八，只會講廢話』。還說：『粗俗點說，白痴！聽不聽到？白痴！』」

「癡X線」，這是我第一個反應。再想，到底這個不幸的是誰？視線在搜索這個受害者的名字，「鄭國臻」，一個熟悉的名字在腦海閃過。我沒有看錯吧？沒有，真的是他，我的中學同學，肯定沒弄錯，因為後面一頁還有他的相片！

有點難過地，我繼續看了下去。福無從至，原來鄭將要受的委屈才剛開始。那個負責人再來是批評鄭的髮型「任誰看到都不會請你啦」。鄭後來又受招聘廣告誤導，找工作一波三折。到最後估計失業差不多兩個月的鄭終於屈服，放下身段，抱著做住先的心態，在北譚涌的西貢郊野公園遊客中心擔任客戶服務員。而這工作正是原本那份「誤導」了他的工作。

看畢後，久久說不出話來。我和鄭一向不熟，沒甚麼交情可言，但還算是個互相認識的。記憶中他應該是聖方濟當年高考文科班唯一一個考獲2A的學生。因為去荷蘭做交流生，稍稍延遲了半年畢業，在一般情況下可算是個具野心有遠見的選擇。現在因為一場金融海嘯，生不逢時，便墮進了萬劫不復的深淵。落得如斯慘況，其心中失望、沮喪甚或自卑可想而知。

小弟也正式再次畢業，再次失業，實在可喜可賀！近日寄出十數封求職信，全無回音。只有一份數個月前報的工作有一個面試的機會，但卻沒有好好把握。快要五月中，到底我應不應該效法鄭「放低身段」，降低要求，盡快上岸？

心情忐忑，唯有把自己的「快樂」建築在鄭的痛苦之上，慶幸自己沒有受過那種氣。

"Between Love and Madness Lies Obsession" -- Calvin Klein Obsession

What an accurate description